Katibu Kibicho Akanusha Madai Wizara Ya Usalama wa Ndani Ilitibua Safari ya DP Ruto

• Kibicho anasema alishuku kwamba DP hakuwa na stakabadhi muhimu ambazo zinahitajika kabla ya kusafiri
• Kibicho alisisitiza kwamba yeyote ambaye anapanga kusafiri kwenda nchi nyingine anapaswa kuwa na visa, cheti cha Covid-19, tikiti na barua ya idhini iwapo yeye ni mfanyakazi wa umma
• Katika mahojiano ya hapo awali, DP Ruto alisema kuwa hatua ya kumzuia kuondoka nchini ilichochewa na siasa

Katibu wa Kudumu wa Usalama wa Ndani Karanja Kibicho mnamo Jumatano, Agosti 4, alivunja kimya chake kuhusiana na ni kwa nini huenda safari ya Naibu Rais William Ruto kwenda Uganda ilivunjwa.

Kibicho anasema alishuku kwamba huenda DP hakuwa na stakabadhi muhimu ambazo zinahitajika kabla ya kusafiri.

Katika mahojiano na Citizen TV, Kibicho alisisitiza kwamba yeyote ambaye anapanga kusafiri kwenda nchi nyingine anapaswa kuwa na visa, cheti cha Covid-19, tikiti na barua ya idhini iwapo yeye ni mfanyakazi wa umma.

"Sijui iwapo Ruto alikuwa na stakabadhi zilizohitajika katika safari zake za hapo awali kwa sababu si sisi tulikuwa tunamkagua wakati huo," alisema.

Kibicho alisema ni lazima kila mmoja anayesafiri akaguliwe kabla ya safari na licha ya hayo alikwepa kudhibitisha iwapo naibu rais alikuwa na stakabadhi zote zilizofaa.

"Iwapo aliwahi safiri bila stakabadhi muhimu, basi maafisa wa uhamiaji walizembea kazini. Hatuwezi kumlaumu afisa mmoja ambaye aliamua kujukumika kazini," Kibicho alidokeza.

Katika mahojiano ya hapo awali, DP Ruto alisema kuwa hatua ya kumzuia kuondoka nchini ilichochewa na siasa kutokana na tofauto baina yake na bosi wake Rais Uhuru Kenyatta.

Akiongea Inooro FM Jumatano, Agosti 4, naibu rais alisema hatua ya kuzuia safari yake ilikusudiwa kumsukuma kuzozana na watu wengine serikalini.

"Nimekuwa naibu rais kwa miaka tisa na nimesafiri kwenda nchi nyingi kwa sababu za kikazi na za kibinafsi. Hamna siku hata moja nimetakiwa kumuomba yeyote ruhusa hadi hapo Jumatatu," Ruto alisema.

Naibu Rais William Ruto alisema hajawahi hitajika kuomba ruhusa kutoka kwa mtu yeyote kusafiri nje ya nchi kwa miaka tisa ambayo amekuwa katika cheo hicho.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Tazama Video Kemkem za Kusisimua Kutoka hapa TUKO.co.ke.

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdkZ35zf5JmopqsmZfCbrfIm6CcoJ9irqytza6qoZldoq6lrchmrqKykaeubsXAZqysmZyWuqJ51ppkp5yRo7Zutcuiq6KapZZ6tK3FmqmiZamWeqW8jKusradencGuuA%3D%3D