Machozi wanakijiji wakiwazika watoto 4 waliouawa na mama yao

- Watoto 4 waliouawa Naivasha walizikwa Alhamisi, Julai 2 Kinangop

- Wanakijiji walijawa na majonzi kuwapa watoto hao mkono wa buriani

- Unyama wa mama huyo kwa wanawe uliwashangaza jamaa wa familia na marafiki

Wingu la simanzi lilifunika kijiji kimoja eneo la Kinangop wakati wanakijiji walijumuika kuwapa mkono wa buriani watoto wanne waliouawa na mama yao.

Wanne hao waliuawa kwa njia ya kinyama eneo la Naivasha na mama yao mzazi katika hali tatanishi.

Habari Nyingine: Tuko na wewe hata bunge, Seneta Omanga amwambia DP Ruto

Beatrice Mwende, mama ya watoto hao, alikiri kuwatoa uhai wanawe kwa kuwanyonga akilaumu mapepo kutoka kwa aliyekuwa mpenzi wake.

Watoto hao ni wasichana watatu na mvulana mmoja na waliuawa ndani ya chumba chao na kisha Mwende akawaweka kitandani.

Alilala kwenye nyumba hiyo na kisha kuondoka asubuhi alipomwarifu rafiki yake kuwa amewatoa uhai wanawe.

Habari Nyingine: Atwoli aongoza viongozi wa Magharibi kukutana na Rais Uhuru

Licha ya tishio la covid-19 wakazi wa Kinangop walifika kwenye mazishi kushuhudia kuzikwa kwao.

Jamaa wa familia walisema ni uchungu kwa mama kuwafanyia wanawe unyama huo na kutoka haki kutendeka.

Watoto hao ni Melody Warigia wa miaka 8, Willy Macharia 6, Samantha Njeri 4 na Whitney Nyambura 2.

Habari Nyingine: Kuteseka ni kwa muda tu! DP Ruto asema baada ya kukutana na viongozi wa kanisa kutoka Mt Kenya

Mwende alisomea katika shule moja mjini Naivasha ambapo alipita mtihani wake wa KCSE na alama ya B+.

Mahakama iliagiza afanyiwe ukaguzi wa kiakili kabla ya kujibu mashtaka mazito ya mauaji.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Chanzo: TUKO.co.ke

ncG1vNJzZmijmajEorTIpaBnrKWgvG%2Bvzmeinmdja4NxfJRmpJqbmKTHqnnWmqWao5mftqu1jLCYpKGnlseqt8Bmrpqsn6m8boCMsJiloZ%2BqrritjKeYZqWRoq5uxcCoZaGsnaE%3D