Aliyekuwa mwanasiasa wa ODM Wafula Buke awaondolea wapangaji mzigo wa kodi

- Hatua ya Wafula Buke inajiri wakati malandilodi wengi wanashinikizwa kutupilia mbali kodi kufuatia janga la COVID-19 nchini Kenya

- Visa kumi na sita vya virusi vya corona vimethibitishwa nchini

- Hivi majuzi landilodi mwingine kutoka Nyandarua Michael Munene aliwaondolea mzingo wa kodi wapangaji wake kwa muda wa miezi miwili

Aliyekuwa mkurugenzi wa masuala ya siasa katika chama cha Orange Democratic Movement (ODM) Wafula Buke amewaondolea wapangaji wake mzigo wa kulipa kodi kutokana na janga la virusi vya corona nchini Kenya.

Hatua yake inajiri wakati malandilodi wengi nchini wanashinikizwa kupunguza kodi au kutupilia mbali kwa muda kutokana na hali ngumu ya uchumi ambayo inashuhudiwa kutokana na janga hilo.

Habari Nyingine: Embu: Landilodi apigwa kuhepa majukumu ya mwanawe

Buke alitangaza ujumbe huo kupitia ukurasa wake wa Facebook mnamo Jumanne, Machi 24.

"Msinilipe kodi kwa sasa," ujumbe wake mfupi kwa wapangaji wake watatu ulisema.

Hatua yake iliwafurahisha wengi mitandaoni ambao walitoa wito kwa malandilodi wengine kufuata mkondo huo.

Haya ni baadhi ya maoni yao.

Habari Nyingine; Gavana Oparanya kupimwa Covid-19 baada ya kukutana na maafisa wake waliosafiri Italia

"Laiti ningalikuwa mmoja wa wapngaji wako. Hii ni hatua nzuri sana. Mungy akubairiki," Ken Arek alisema.

"Laiti wamiliki wengine wa nyumba wangefuata mfano wako," Isaac Juma alisema.

Hatua ya ukarimu ya Buke inajiri siku chache tu baada ya landilodi mwingine kutoka Nyandarua kuwaondolea mzigo wa kodi wapangaji wake kufuatia tishio la COVID-19.

Landilodi huyo aliyetambulika kama Michael Munene aliwaacha wapangaji wake wakitabasamu baada ya kuwaarifu kwamba alihisi uzito waliokuwa nao kutokana na hali ngumu ya uchumi siku xa hivi punde nchini Kenya.

Habari Nyingine: Maswali na majibu kuhusu coronavirus

Wakati janga hili lilitupata, maisha kiuchumi yamekuwa magumu na wengine huenda hawatapata kodi yao. Siwezi taka wachukue mikopo ili kulipa kodi na ndipo nimewatolea kodi ya miezi miwili," Munene alisema.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdjaYR4fZBmmKWhqZq4tsPAZqSwmZ6WwKqt0ppksJldpLGuedaana6kkWKvtrfEZpiwmZ%2BjsbC4xJpksJmglruorcmiZKaymZy8bsPAZqKonJljtbW5yw%3D%3D