- Mwanafunzi huyo wa mwaka wa nne JKUAT alisema polisi waliokuwa wakimtandika walimtishia maisha
- Walibaini kuwa walitenda kosa baada ya video ya matukio hayo kusambaa kwa kasi mitandaoni
- Alitupwa ndani ya gari na maafisa hao ambao walizungunga naye mjini Juja huku wakiendelea kumtandika
Allan Omondi, mwanafuzi wa chuo kikuu cha Jomo Kenyatta University of Agriculture and Technology (JKUAT) ambaye alionekana kwa video akinyeshewa makonde na polisi amevunja kimya chake na kuzungumza kwa mara ya kwanza tangu kutokea kwa kisa hicho.
Kulingana na Omondi, kosa lake ambalo lilipelekea kwake kutandikwa na maafisa hao lilikuwa ni kuelekea sehemu ambayo wanafunzi walikuwa wanafurushwa na polisi hao.
Habari Nyingine: Wacha kusononeka bure, kubali yaishe DP Ruto -Wabunge wa Handisheki
Akizungumza na NTV Alhamisi, Novemba 14, mwanafunzi huyo alisema kuwa angepoteza maisha yake mikononi mwa polisi iwapo kanda ya video hiyo haingesambaa mitandaoni.
"Siku ilikuwa imeanza kama kawaida shuleni. Lakini ilipofikia saa nne asubuhi vurumai ikazuka," alisema .
Aliongeza kuwa alitandikwa pasi na kuwa na kosa lolote huku akifichua kuwa tayari ameandikisha taarifa katika kituo cha polisi cha Juja baada ya kupokea matibabu.
Habari Nyingine: Mkewe Waziri wa Fedha Ukur Yatani apewa nafasi mbili za kazi na serikali
"Sijui walitokea wapi na waliponifikia walianza kunitandika bila kuuliza swali lilote wala kuniambia chochote," Omondi alikariri.
Mambo yalizidi kuwa mabaya kwake baada ya polisi hao kumtupa ndani ya gari lao na kuendelea kumyeshea kichapo cha mbwa.
"Waliendelea kunitandika hadi mwili wangu ukakufa ganzi nikawa sihisi maumivu tena," aluongeza.
Habari Nyingine: Adui mpende: Tangatanga kukutana uso kwa uso na Kibicho huko Nyeri
Muda mfupi baadaye mmoja wa marafiki zake ambaye aliinasa video hiyo aliwaarifu polisi kuwa kanda hiyo imesambaa mitandaoni na hapo ndipo walibaini kwamba wametenda kosa.
Baada ya kuitazama kanda hiyo, maafisa hao walianza kumzungusha Omondi katika gari lao huku wakitishia kumuua.
Wanafunzi wa JKUAT waliandamana Jumatatu, Novemba 11 wakilalama kuhusu ukosefu wa usalamu chuoni humo ambapo wenzao wawili walipoteza maisha kwa muda wa juma moja.
Habari Nyingine: Magazeti ya Kenya Alhamisi, Novemba 14: Itumbi awasilisha barua ya njama ya kumdhuru Ruto
Tume ya Kitaifa ya Huduma kwa Polisi, NPSC ililazimika kuyataja majina ya maafisa wa polisi walionaswa kwenye kanda hiyo.
Maafisa hao walitambulika kwa majina kama George Wathania, Kibet Chemipei na Boniface Muthama.
Hii ni baada ya Wakenya kumshinikiza Waziri wa Usalama wa Ndani Fred Matiang'i kuwachukulia maafisa hao hatua za kisheria na kupelekea kwao kuachishwa kazi.
Read ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.
Subscribe to watch new videosChanzo: TUKO.co.ke
ncG1vNJzZmijmajEorTIpaBnrKWgvG%2BvzmeinmdjZ4F4g5JmpLCZnpaztrrZomSwmV2fuLat02aYpaGpmsGiusOiorCZXaOubrzOpaCsoV2WwKa5wGaimqaUlnq6rYyvoJ2dn2K2rbXOpKaaZZ2WtrS0wGawmqOVY7W1ucs%3D